Tarehe Zipi ni Muafaka Kulipa Ushuru na Kodi?

 

 Kodi za Mapato

·       Kodi za zuio zinalipwa ndani ya siku 7 baada ya mwisho wa mwezi wa kalenda ambayo kodi hiyo inahusika.

·       Kodi zinazolipwa kwa awamu (kodi zinazokadiriwa kwa awamu) zinazilipwa katika kila robo mwaka; kwa mfano walipakodi ambao vipindi vyao vya kulipa vinaisha tarehe 30 Desemba; awamu za malipo zitafikia wakati wa kulipwa mwishoni mwa Machi, Juni, Septemba na Desemba.

·       Kodi ya kujikadiria italipwa tarehe ya mwisho ya taarifa ya mapato (miezi sita baada ya mwaka wa mapato)

·       Kodi ya Kujikadiria Dharura inalipwa katika tarehe iliyobainishwa katika taarifa ya makadirio.

·       Kodi Iliyorekebishwa inalipwa ndani ya siku 30 tangu tarehe ya makadirio.

.       Kodi itokanayo na pato la ajira (PAYE) inalipwa ndani ya siku saba (7) baada ya kuisha mwezi wa kodi husika

.      Kodi ya maendeleo ya ujuzi (SDL) inalipwa ndani ya siku saba (7) baada ya kuisha mwezi wa kodi husika

.     Kodi ya bidhaa inalipwa ndani ya siku ishirini  na tano (25) baada ya kuisha mwezi wa kodi husika.

.    Kodi ya kidigitali.inalipwa ndani ya siku 20 baada ya kuisha mwezi wa kodi husika 

Kodi ya Ongezeko la Thamani (VAT)

VAT inadaiwa na inalipwa kabla au kabla ya siku ya 20 ya mwezi unaofuata mwezi wa biashara ambayo mapato yanahusiana. Mlipakodi anahitajika kuwasilisha marejesho ikiwa mtu huyo ana kiasi halisi cha kodi ya ongezeko la thamani inayolipwa kwa kipindi hicho.  

Kuongeza Muda wa Kulipa Kodi

Mlipakodi anaweza kuomba kwa maandishi kwa kamishna mkuu kuongezewa muda wa kulipa kodi kwa mujibu wa sheria.Kamishna mkuu kufuatia kupokea maombi hayo yakionyesha sababu ya msingi anaweza kusogeza tarehe ya kulipwa kodi au sehemu ya kodi. .

Kamishna mkuu atamjulisha mwombaji kwa maandishi, maamuzi juu ya maombi yake.Na pale ambapo kibali kimetolewa kwa kumruhusu mlipakodi kulipa kodi kwa awamu na mlipakodi ameshindwa kulipa awamu yoyote,kiasi chote cha deni la kodi jumlisha riba italipwa mara moja.

Kodi ya Mapato kwa Wasafirishaji wa Bidhaa na Abiria

Ushuru unaolipwa na mkazi anayehusika na usafirishaji wa abiria au bidhaa kwa mwaka itaamuliwa kwa mujibu wa viwango vilivyowekwa hapa chini

Daraja A : Magari ya Abiria
Idadi ya Abiria	Kiasi cha Kodi
Chini ya 5	120,000
6 hadi 15	250,000

 

Daraja B : Magari ya huduma za Kiutalii
Idadi za watalii	Kiasi cha Kodi
0  hadi  15	650,000
16 hadi 25	900,000
26 hadi 45	1,300,000
46 hadi 65	1,800,000
Zaidi    65	2,400,000

 

Daraja C : Magari ya Mizigo
Uwezo (Tani)	Kiasi cha Kodi
Hadi 500kg	120,000
Juu ya 500kg lakini chini ya tani 1	250,000
1  hadi   5	500,000
6  hadi  10	750,000
11 hadi  15	1,100,000
16 hadi  20	1,300,000
21 hadi  25	1,650,000
26 hadi  30	1,900,000
Zaidi ya 30	2,200,000

 

Daraja D : Vyombo vya moto Binafsi vya kukodi
Aina za vyombo vya moto	Kiasi cha Kodi
Taxi	180,000
Ride Hailing	350,000
Ride Sharing	450,000
Special Hire	750,000